జిల్లాలోని మిర్యాలగూడకు చెందిన ప్రణయ్‌ హత్య కేసులో నిందితులకు బెయిల్‌ లభించడంపై అతని కుటుంబ సభ్యులు అభ్యంతరం వ్యక్తం చేస్తున్నారు. గతేడాది జరిగిన ప్రణయ్‌ హత్య కేసులో ప్రధాన నిందితులైన తిరునగరు మారుతీరావు, ఆయన సోదరుడు శ్రవణ్‌కుమార్, ఖరీంలకు శుక్రవారం హైకోర్టు బెయిల్‌ మంజూరు చేసిన సంగతి తెలిసిందే. అయితే దీనిపై స్పందించిన ప్రణయ్‌ భార్య అమృత.. భారత దేశ న్యాయవ్యవస్థ తీరు సరిగా లేదని ఆవేదన వ్యక్తం చేశారు. పట్టపగలు నడిరోడ్డుపై హత్య చేసిన వారిపై పీడీ యాక్ట్‌ కొట్టివేసి బెయిల్‌పై విడుదల చేయడం దారుణమని వ్యాఖ్యానించారు. నిందితులు బయటకు రావడం వల్ల తమ కుటుంబానికి ప్రాణహాని ఉందని పేర్కొన్నారు. దీనిపై హైకోర్టుకు అప్పీలు చేస్తూ.. సుప్రీం కోర్టును ఆశ్రయిస్తామని తెలిపారు.
ప్రణయ్‌ తండ్రి బాలస్వామి మాట్లాడుతూ.. తన కొడుకు హత్య కేసు నిందితులకు ఇంత త్వరగా బెయిల్‌ వస్తుందని అనుకోలేదన్నారు. నిందితులకు బెయిల్‌ మంజూరు అయినప్పటికీ వారికి కఠిన శిక్ష పడుతుందని నమ్ముతున్నట్టు తెలిపారు.
రక్షణ కల్పిస్తాం: ఎస్పీ రంగనాథ్‌
నిందితులు భారీ నుంచి ప్రణయ్‌ కుటుంబ సభ్యులకు ఎటువంటి ముప్పు కలగకుండా రక్షణ కల్పిస్తామని జిల్లా ఎస్పీ రంగనాథ్‌ తెలిపారు. నిందితులకు బెయిల్‌ లభించడాన్ని సవాలు చేస్తూ తెలంగాణ ప్రభుత్వం తరఫున తాము సుప్రీం కోర్టును ఆశ్రయిస్తామని అన్నారు.
The post ప్రణయ్‌ హత్య కేసులో నిందితులకు బెయిల్‌ లభించడంపై ….సుప్రీం కోర్టును ఆశ్రయిస్తాం: అమృత appeared first on DIVYAMEDIA.
from DIVYAMEDIA http://bit.ly/2XOxqUw
No comments:
Post a Comment