ఐస్.. చల్ల చల్లని కూల్ కూల్.. ఎండకాలం వచ్చిందంటే చాలు ఐస్‌ను ఇష్టపడనివారంటూ ఎవరూ ఉండరు. కొన్ని నీళ్లలో లేదా ఫ్రూట్‌ జ్యూస్‌లోనో తెల్లని ఐస్ గడ్డ వేసుకుని తాగితే చాలు చల్లగా గొంతులోకి జారిపోతోంది. సమ్మర్‌లో ఐస్ లేనిదే చుక్కనీరు కూడా గొంతులోకి పోదు. ఇది ఒక వైపే… కానీ తెల్లగా ఆకర్షించే ఐస్‌లో తెలియని అనర్థం మరొకటి ఉంది. అవును ఐస్ ఇప్పుడు యమ డేంజర్‌గా మారుతోంది. మండు వేసవిలో చల్లగా ఉంటుందని ఐస్ కలిపిన జ్యూస్‌ తాగితే ఇక అంతే సంగతులు. చూడడానికి తెల్ల బంగారంలా నిగనిగలాడుతుంది…కానీ తయారీ విధానంలో ఏ మాత్రం నాణ్యత ప్రమాణాలు లేకపోవడం కలవరానికి గురి చేస్తోంది. విశాఖలో కొందరు ఐస్ వ్యాపారులు సమ్మర్‌ను క్యాష్‌ చేసుకోవాలనే దురాశతో నాణ్యత ప్రమాణాలను గాలికి వదిలేస్తున్నారు. ప్రజల ప్రాణాలతో చెలగాటమాడుతున్నారు.
ముఖ్యంగా నగరంలోని హార్బర్‌ టౌన్‌, కొత్తరోడ్‌తో పాటు ఇతర ప్రాంతాల్లో పెద్ద సంఖ్యలో ఐస్ ఫ్యాక్టరీలు ఉన్నాయి. ప్రతి ఒక అవసరానికి ఇక్కడి నుంచే ఐస్ సరఫరా అవుతుంది. కానీ ఐస్ తయారీలో మాత్రం ఏ మాత్రం నాణ్యతా ప్రమాణాలు పాటించడంలేదు సదరు ఫ్యాక్టరీ యాజమన్యాలు. మంచి నీటితో ఐస్ తయారు చేయాల్సిన తయారీ దారులు.. అపరిశుభ్రమైన నీటితో యధేచ్ఛగా ఐస్‌ను తయారు చేస్తూ జనాలకు అంటగడుతున్నారు. కాసుల కక్కుర్తితో నిబంధనలను బేఖాతరు చేస్తున్నారు.
విశాఖలోని అన్ని ఫ్యాక్టరీల్లో తయారయ్యే ఐస్ నాణ్యత లోపంతోనే ఉన్నట్లు తెలుస్తోంది. సమ్మర్‌లో ఫ్రూట్‌ జ్యూస్‌ల్లో కలిపే ఈ ఐస్ చాలా ప్రమాదకరం. ఆరోగ్య పరంగా సీజనల్‌ వ్యాధులు కూడా వచ్చే అవకాశం ఉంది. కలుషిత నీటితో తయారు చేసే ఈ ఐస్ పట్ల ప్రజలు అప్రమత్తంగా ఉండాలని డాక్టర్లు హెచ్చరిస్తున్నారు. ఎండకాలంలో ఐస్ లేకుండా శీతల పానీయాలు తాగడమే ఆరోగ్యానికి మంచిదని సూచిస్తున్నారు.
The post ఈ ఎండల్లో ఐస్ వాటర్ త్రాగుతున్నారా ..! ఈ షాకింగ్ విషయాలు మీకోసమే ….! appeared first on DIVYAMEDIA.
from DIVYAMEDIA http://bit.ly/2ULFC5X
No comments:
Post a Comment