బోటులో నుంచి సముద్రంలో పడిపోయిన కుక్క.. వందల కిలోమీటర్లు ఈదుకుంటూ..చివరకు..?

నడిసముద్రంలో ఒంటరిగా మిగిలినా ధైర్యాన్ని కోల్పోలేదు ఈ కుక్క. దురదృష్టవశాత్తు ఓ చేపలు పట్టే బోటు నుంచి సముద్రంలో పడిపోయిన ఈ శునకం జీవితంపై ఆశను కోల్పోలేదు. మొక్కవోని ధైర్యంతో సముద్రానికే ఎదురీదేసింది. ఒకటి కాదు.. రెండు కాదు.. వందల కిలోమీటర్లు ఈదింది. ఈ చిన్ని ప్రాణం ధైర్యం చూసి.. సృష్టికర్త సంతోషించాడేమో దానివైపు ఓ పడవను పంపించాడు. గల్ఫ్‌ ఆఫ్‌ థాయ్‌లాండ్‌ సముద్ర తీరానికి 220 కిలోమీటర్ల దూరంలో సముద్రానికి ఎదురీదుతున్న ఈ శునకాన్ని.. అటువైపుగా వచ్చిన ఓ చమురు అన్వేషణ సంస్థ కార్మికులు క్రేన్‌ సాయంతో కాపాడారు. వెంటనే దానికి నీరు, ఆహారం అందించారు. సముద్రమే మృత్యువై ఎదురు నిలిచినా వెరవని ఆ సాహస శునకానికి వాళ్లు ‘బూన్‌ రాడ్‌’ అని ముద్దుపేరు పెట్టారు.

The post బోటులో నుంచి సముద్రంలో పడిపోయిన కుక్క.. వందల కిలోమీటర్లు ఈదుకుంటూ..చివరకు..? appeared first on DIVYAMEDIA.

from DIVYAMEDIA http://bit.ly/2GtLE7C