సినీహీరో నాగార్జున వంటి పలుకుబడి కలిగిన ప్రముఖులకు రెవెన్యూ చట్టాలు వర్తించవా? అని సీఎం కేసీఆర్‌ను టీపీసీసీ నేత, మాజీ ఎంపీ విజయశాంతి ప్రశ్నించారు. మియాపూర్‌ భూములను కొనటం చెల్లదంటూ బలహీన వర్గాలకు చెందిన టీఆర్‌ఎస్‌ సెక్రటరీ జనరల్‌ కె.కేశవరావు నుంచి టీఆర్‌ఎస్‌ ప్రభుత్వం భూములను లాక్కుందని, సినీ హీరో నాగార్జునపై భూములను అక్రమంగా రెగ్యులరైజ్‌ చేసుకున్నారని ఆరోపణలొచ్చినా చర్యలు తీసుకోలేదని విమర్శించారు. ఇప్పుడు రెవెన్యూ శాఖ ప్రక్షాళన సందర్భంగానైనా హీరో నాగార్జున అక్రమ భూములపై చర్యలు ఉంటాయా? లేదా? అని తెలంగాణ ఉద్యమకారులు ప్రశ్నిస్తున్నారన్నారు.
రెవెన్యూ శాఖ ప్రక్షాళనను కూడా ప్రచార ఆర్భాటంగా మార్చొద్దని హితవు చెప్పారు. రెవె న్యూ ప్రక్షాళనపై విజయశాంతి బుధవారం ఫేస్‌బుక్‌లో అభిప్రాయాన్ని వెల్లడించారు. తప్పు చేసిన వారిని బెదిరించటం, లొంగకపోతే తెరవెనుక లాలూచీ పడటం కేసీఆర్‌కు కొత్తేమీ కాదన్నారు. రెవెన్యూ శాఖ ప్రక్షాళన పేరుతోనూ బెదిరింపులు, లాలూచీలు జరుగుతాయేమోనని తెలంగాణ ప్రజలు అనుమానిస్తున్నారని చెప్పారు. హీరో నాగార్జున హైదరాబాద్‌ శివార్లలోని భూములను అక్రమంగా సొంతం చేసుకున్నారని, టీఆర్‌ఎస్‌ ప్రభుత్వం రాగానే వాటిని స్వాధీనం చేసుకుంటామని 2014 ఎన్నికలకు ముందు కేసీఆర్‌ హెచ్చరించిన తాలూకు వీడియో లింకును ఫేస్‌బుక్‌ ప్రకటనకు జత చేశారు.
The post హీరో నాగార్జునకు రెవెన్యూ చట్టాలు వర్తించవా? ఆ చట్టాలు బలహీనులపైనేనా: విజయశాంతి appeared first on DIVYAMEDIA.
from DIVYAMEDIA http://bit.ly/2UpwCU0
No comments:
Post a Comment