తిరుమల తిరుపతి దేవస్థానంలో నేడు (శనివారం) మహాసంప్రోక్షణ జరగనుంది. దీంతో ఉదయం 11 గంటల నుంచి ఆలయాన్ని మూసివేయనున్నారు. ఈ మేరకు టీటీడీ అధికారులు ఇప్పటికే ఓ ప్రకటనను విడుదల చేశారు. వరాహస్వామివారి ఆలయంలో ఉదయం 11.07 నుంచి మధ్యాహ్నం 1.16 గంటల వరకు ఉన్న కర్కాటక లగ్నంలో మహాసంప్రోక్షణ క్రతువును జరపనుంది. అనంతరం ఘంటానాదం, నిత్యకట్ల కైంకర్యాల్లో భాగంగా తోమాల, అర్చన, నైవేద్యం, రెండో గంట తదితర పూజాదికాలు నిర్వహిస్తారు. ఇదే సమయంలో శ్రీవారి ఆలయంలో సైతం ఘంటానాదం, నిత్యకట్ల కైంకర్యాలు జరగనున్నాయి. దీంతో ఉదయం 11 గంటల నుంచి మధ్యాహ్నం 3.30 గంటల వరకు శ్రీవారి దర్శనాన్ని నిలిపివేస్తారు.
అసలే శనివారం.. దీనికితోడు కొద్దిరోజులుగా శ్రీవారి ఆలయంలో భక్తుల రద్దీ కొనసాగుతోంది. ఇప్పుడు మహాసంప్రోక్షణ జరుగుతుంది. దీంతో స్వామి వారి దర్శనం కోసం భక్తులు మరింత సమయం వేచి ఉండాల్సిన పరిస్థితి ఏర్పడింది.
The post తిరుమల వెళ్లే భక్తులకు గమనిక.. నేడు ఆలయం మూసివేత, ఎందుకో తెలుసా …? appeared first on DIVYAMEDIA.
from DIVYAMEDIA http://bit.ly/2UHuMhF
No comments:
Post a Comment