అమ్మాయిలు పెళ్లి కాకుండా ఫోన్లు వాడటంపై నిషేధం, కాదని వాడారో లక్షన్నర రూపాయలు జరిమానా……!

ఈ మధ్య సెల్ ఫోన్ల వినియోగం పెరిగిపోయింది. సా. శ. 2011 లో ఈ భూలోకం జనాభా 7 బిలియనులు అయితే 5 బిలియనుల సెల్ ఫోనులు వాడకంలో ఉండేవిట! ప్రపంచవ్యాప్తంగా 1990 నుండి 2011 వరకు మొబైల్ ఫోన్ల వినియోగదారులు 12.4 మిలియన్ల నుండి 6 బిలియన్లకు ఎగబాకింది. దీనిని బట్టి మనకు తెలిసింది ఏమనగా ఆధునిక ప్రపంచంలో దాదాపు ప్రతీవ్యక్తికి ఈ మొబైల్ ఫోన్లు ఉన్నట్టుగా తెలుస్తోంది. ఇవి ప్రస్తుత సమాజంలో ఒక తప్పనిసరి సాధనం అయేయి.

మనం 21వ శతాబ్దం వైపు పయనిస్తున్నా సమాజంలో సగభాగమైన మహిళలపై ఇంకా చిన్నచూపు చూస్తూనే ఉన్నారనడానికి గుజరాత్ రాష్ట్రంలోని బాణస్కాంత గ్రామ పెద్దలు తీసుకున్న నిర్ణయం నిదర్శనంగా నిలిచింది. బాణస్కాంత గ్రామంలోని ఠాకూర్ కులానికి చెందిన పెళ్లి కాని అమ్మాయిలు మొబైల్ ఫోన్లు వినియోగించకుండా నిషేధిస్తూ ఆ గ్రామ కుల పెద్దలు ఏకగ్రీవంగా తీర్మానించారు. ఈ మేరకు జలోల్ గ్రామంలో ప్రజలు సమావేశమై ఏకగ్రీవంగా నిర్ణయం తీసుకున్నారు. బాణస్కాంత గ్రామంలో పెద్దలు తీసుకున్న నిర్ణయం ఆ గ్రామస్థులందరికీ రాజ్యాంగం లాంటిది. గ్రామంలోని ఠాకూర్ కులానికి చెందిన పెళ్లి కాని అమ్మాయి మొబైల్ ఫోన్ వినియోగించరాదు. అలా గ్రామ పెద్దల నిర్ణయాన్ని ఉల్లంఘించి ఏ అమ్మాయి అయినా ఫోన్ వాడితే, ఆ అమ్మాయి తండ్రి నుంచి లక్షన్నర రూపాయలు జరిమానాగా వసూలు చేయాలని గ్రామపెద్దలు నిర్ణయించారు.

దీంతోపాటు వివాహ వేడుకల్లో అనవసర ఖర్చులు చేయకుండా గ్రామ పెద్దలు నిర్ణయం తీసుకున్నారు. వివాహ వేడుకల్లో డీజేలు, బాణసంచా కాల్చడాన్ని నిలిపివేయాలని నిర్ణయించారు. గ్రామంలోని ఏ అమ్మాయి అయినా వారి కుటుంబసభ్యుల అనుమతి లేకుండా పెళ్లి చేసుకుంటే దాన్ని నేరంగా పరిగణిస్తామని పంచాయతీ పెద్దలు చెప్పారు. పెళ్లి ఖర్చులు తగ్గించుకునేందుకు ఠాకూర్ కుల పెద్దలు తీసుకున్న నిర్ణయం మంచిదేనని, కాని పెళ్లి కాని అమ్మాయిలు ఫోన్ వినియోగంపై నిషేధం విధించడం సరైంది కాదని మాజీ ఎమ్మెల్యే అల్పేష్ ఠాకూర్ చెప్పారు. ప్రేమ వివాహాలకు వ్యతిరేకంగా ఠాకూర్ కుల పెద్దలు నిర్ణయం తీసకున్నారని, కాని తాను కూడా ప్రేమ వివాహమే చేసుకున్నానని అల్ఫేష్ ఠాకూర్ వివరించారు. ఠాకూర్ కుల పెద్దలు తీసుకున్న నిర్ణయం కోట్డ, గగుడ, ఒడ్వా, హరియవాడ, మార్పూరియా, షేర్ ఘడ్, తాలిపుర, రందోల్, రత్నాపూర్, ధనారి, వెలవాస్ గ్రామాల్లో అమలు చేయాలని నిర్ణయించారు.

The post అమ్మాయిలు పెళ్లి కాకుండా ఫోన్లు వాడటంపై నిషేధం, కాదని వాడారో లక్షన్నర రూపాయలు జరిమానా……! appeared first on DIVYAMEDIA.

from DIVYAMEDIA https://ift.tt/2JJEMTT