ఊపిరితిత్తుల క్యాన్సర్ ఎందుకు వస్తుంది? రాకుండా ఎలా జాగ్రత్తలు తీసుకోవాలో తెలుసుకోండి!!

ప్రపంచవ్యాప్తంగా సంభవిస్తున్న క్యాన్సర్ మరణాల్లో మూడోవంతు ఊపిరితిత్తుల క్యాన్సర్ కారణంగానే కలుగుతున్నాయి. రొమ్ము, పెద్దపేగు, ప్రోస్టేట్ క్యాన్సర్‌లు.. ఈ మొత్తాన్ని కలుపుకున్నా, వాటన్నిటికంటే ఊపిరితిత్తుల క్యాన్సర్‌తో సంభవించే మరణాలే ప్రపంచవ్యాప్తంగా ఎక్కువ అంటే దీని తీవ్రత ఏమిటో అర్థం చేసుకోవచ్చు. ఊపిరితిత్తుల క్యాన్సర్‌కు అనేక అంశాలు దోహదపడతాయి. మన దేశంలో 90 శాతం కేసుల్లో క్యాన్సర్ వ్యాప్తికి పొగాకు వాడకమే ప్రధాన కారణం. సాధారణ వ్యక్తితో పోలిస్తే పొగతాగేవారిలో ఈ వ్యాధి రావడానికి అవకాశాలు 2.5 రెట్లు ఎక్కువ. అయితే పొగతాగడం అలవాటు లేని ఊపిరితిత్తుల క్యాన్సర్ పేషెంట్లలో 65 శాతం మహిళలు కాగా… కేవలం 35 శాతం మంది మాత్రమే పురుషులున్నారు. ప్రపంచ ఆరోగ్య సంస్థ పేర్కొంటున్న వివరాల మేరకు వాతావరణ కాలుష్యం ఊపిరితిత్తుల క్యాన్సర్‌కు ప్రధాన కారణం. సిగరెట్ త్రాగటం వలన ఊపిరితిత్తుల క్యాన్సర్ కలుగుతుంది. మొదట్లో సిగరెట్ తాగటం వలన శరీరం, ఇతర భాగాలు తేలికగా, ప్రశాంతంగా మారతాయి. అమ్మాయిలు కూడా చాలా మంది ఈ రకమైన అలవాటు ఉన్న అబ్బాయిలను ఇష్టపడుతుంటారు. సిగరెట్ కు అలవాటు పడిన కొన్ని రోజుల తరువాత, పరిగెత్తటం మరియు మెట్లు ఎక్కటం వంటి కార్యాలను కూడా సరిగా నిర్వర్తించలేరు. కారణం సిగరెట్ ఉపిరితిత్తులను ఎక్కువగా ప్రభావితం చేయటం వలన.

సిగరెట్ లో ఉండే హానికర పదార్థాలు

సిగరెట్ ఎండబెట్టిన పొగాకు ఆకులతో తయారుచేస్తారు. అంతేకాకుండా రూచికోసం, ఆహ్లదకరాన్ని కలిగించుటకు అందులో కొన్ని రకాల రసాయనాలని కలుపుతారు. ఈ రసాయనాలు చాలా సంక్లిష్ట మిశ్రమాలతో కూడిన ప్రమాదకరమైనవిగా చెప్పవచ్చు, ఈ రసాయనాలు పొగాకును మండించుటలో సహాయపడతాయి. ఇందులో 7000 కన్నా ఎక్కువ మిశ్రమాలు కలుపబడతాయి మరియు ఇందులో 60 కంటే ఎక్కువ మూలకాలు క్యాన్సర్’ని కలుగచేసేవే. ఇందులోని కొన్ని కారకాలు గుండె మరియు ఉపిరితిత్తులకు సంబంధించిన వ్యాధులను కలుగచేస్తాయి. కావున మీరు పీల్చే ప్రతి గుటక మీ ఆరోగ్యానికి హానికరం అని చెప్పవచ్చు. మీరు త్రాగే సిగరెట్’లో కలుపబడే కొన్ని ప్రమాదకరమైన మిశ్రమాలు ఇక్కడ తెలుసుకుందాం..

*సయనైడ్,
*బెంజీన్,
*ఆల్కహాల్’ని కలిగి ఉండే మెంతాల్,
*అమ్మోనియా, వెల్డింగ్ టార్చ్’లలో ఇందనంగా వాడే అసిటైలీన్,
ఫార్మాల్డిహైడ్
సిగరెట్ లో ఇలాంటివి మాత్రమే కాకుండా కార్బన్-మోనాక్సయిడ్, నైట్రోజెన్ ఆక్సైడ్ వంటి విష పూరిత వాయువులు కూడా ఉన్నాయి. ఇవన్ని తెలిసిన పిన్న వయసు నుండి త్రాగుతున్నారా.. ఇది మీ ప్రాణాలకు చాలా ప్రమాదకరం. ఎందుకంటే వ్యసనాత్మక మందుగా పిలవబడే ‘నికోటిన్’ ఇందులో కలపబడుతుంది. అంతేకాకుండా పొగాకు ఆకులు అవి పెంచబడే మృత్తిక, ఎక్కడ పెంచబదినవి, ఏ రకమైన ఫెర్టిలైజర్స్’ని వాడారు అనే వాటిని బట్టి సిగరెట్ తయారీలో వాడే ఆకులు రేడియోధార్మిక పదార్థాలను తక్కిన మొత్తంలో కలిగి ఉంటాయి.

సిగరెట్ మానేందుకు సూచనలు

పొగ తాగడం తగ్గించటం వలన ఉపిరితిత్తుల క్యాన్సర్ రాకుండా కాపాడుకోవచ్చు. కానీ, అలవాటు పడిన తరువాత మానేయటం చాలా కష్టం. మీరు తక్కువ సమయంలో ఎక్కువగా పొగతాగి మానేసినను ఊపిరితిత్తుల క్యాన్సర్ కు గురయ్యే అవకాశం ఉంది.
పొగ తాగడం తగ్గించటానికి లేదా మానేయటానికి సలహాలు
పొగ తాగటం మానేయటం వలన ఉపిరితిత్తుల క్యాన్సర్ రావటానికి తక్కువ అవకాశాలున్పాయి. ఉపిరితిత్తులు మామూలు స్థితికి చేరుకోటానికి కొంత సమయం పడుతుంది. అనేక దేశాల్లో దీనిపై జరిపిన పరిశోధనల్లో పొగతాగడం మానేయటం వలన 70 శాతం క్యాన్సర్ నిరోధించినట్లేనని తెలిపారు. పొగ తాగడం మానుకుంటే క్యాన్సర్ నుండి బయటపడతారు. ప్రచురించిన పుస్తకాల్లో తెలిపిన దాని ప్రకారం రోజులో 15 సిగరెట్లు తాగేవారు, ఇందులో సగం వరకి తగ్గించటం వలన వారి ఉపిరితిత్తులు కొంచెం వరకు అయినా పాడవకుండా ఉంటాయని ప్రచురించారు. అందుకే పూర్తిగా మానేయలేని పక్షంలో కొంచెం వరకు అయిన పొగతాగడాన్ని తగ్గించడం చాలా మంచిది.

పొగ తాగడం మీ ఉపిరితిత్తులను ఎలా ప్రభావితం చేస్తుంది?

పొగ తాగడం వలన ఉపిరితిత్తులు త్వరగా ప్రమాదానికి గురవుతాయి, అదే వయసు పొగ తాగని వారితో పోలిస్తే పొగ తాగే వారిలో ఉపిరితిత్తులు తమ పనిని సక్రమంగా నిర్వహించలేవు. ఉపిరిత్తులు ప్రమాదానికి గురయి చాలా కాలం అలాగే ఉండటం వలన, ఉపిరితిత్తులు వాటి పనులను సరిగా నిర్వర్తించలేక, ప్రమాదాలకు, వ్యాధులకు గురవుతాయి. పొగతాగటం వలన క్యాన్సర్ వ్యాధికి మాత్రమే కాకుండా చాలా రకాల వ్యాధులకు ఆస్కారమిస్తుంది. పొగతాగిన కాస్త సమయం మాత్రమే రిలీఫ్ ఉంటుంది. ఆ తర్వాత ఆరోగ్యం తీవ్రంగా దెబ్బతింటుంది.
పొగ తాగడం వలన కలిగే ఇతర నష్టాలు
*పొగత్రాగటం వలన ఉపిరితిత్తుల క్యాన్సర్ వస్తుంది.
*శ్వాస గొట్టం కూడా క్యాన్సర్ కి గురవుతుంది.
*జీర్ణాశయ క్యాన్సర్ కలుగుతుంది.
*అల్సర్ లు
*రోగనిరోధక శక్తిలో తగ్గుదల.
*రక్తంలో చెక్కెర స్థాయిలు, రక్త పీడనం కూడా పెరుగుతుంది.

The post ఊపిరితిత్తుల క్యాన్సర్ ఎందుకు వస్తుంది? రాకుండా ఎలా జాగ్రత్తలు తీసుకోవాలో తెలుసుకోండి!! appeared first on DIVYAMEDIA.

from DIVYAMEDIA https://ift.tt/2UuMyFB