న్యూజిలాండ్ సముద్ర ప్రాంతంలో చిక్కుకున్న ఒక జర్మన్ పర్యాటకుడు తన జీన్స్‌ను లైఫ్ జాకెట్ మాదిరిగా వినియోగించుకుని ప్రాణాలు కాపాడుకున్నాడు. తరువాత అతనిని సముద్ర తీర రక్షకదళం బయటకు తీసుకువచ్చి కాపాడింది. 30 ఏళ్ల ఆర్న్‌ముర్క్ తన సోదరునితో పాటు న్యూజిలాండ్‌లోని పశ్చిమ సముద్ర తీరంవైపు బోటులో ప్రయాణిస్తున్నాడు. ఇంతలో సముద్రంలో చెలరేగిన అలజడుల కారణంగా బోటులోకి నీరు చేరడంతో అది మునిగిపోయింది. ఇంతలో అతని సోదరుడు అతనివైపు లైఫ్ జాకెట్ విసిరాడు. అయితే దానిని ఆర్న్‌ముర్క్ అందుకోలేకపోయాడు. ఈ ఉదంతంపై ఆర్న్‌ముర్క్ మీడియాతో మాట్లాడుతూ జీన్స్ నన్ను ప్రాణాపాయం నుంచి కాపాడిందన్నాడు. కాగా ఆర్న్‌ముర్క్ ప్రమాదంలో పడగానే, జీన్స్‌ను తన తల కిందుగా ముడివేసుకుని, తాను వెల్లకిలా తిరిగాడు. దీంతో జీన్స్‌లోనికి గాలి ప్రవేశించింది. తరువాత జీన్స్ ప్యాంట్ అడుగు భాగం నుంచి నీరు వెళ్లకుండా నడుము దగ్గర అదిమిపట్టుకున్నాడు.
ఈ విధంగా అతను జీన్స్‌ను లైఫ్ జాకెట్‌గా మార్చుకున్నాడు. ఇలా మూడు గంటలపాటు నీటిపై తేలియాడుతూ ఉన్నాడు. ఈనేపధ్యంలోనే రెస్క్యూ టీమ్ హెలికాప్టర్ సాయంతో బయటకు తీసుకువచ్చింది. ఈ ఘటనకు సంబంధించిన వీడియో ఇంటర్నెట్‌లో హల్‌చల్ చేస్తోంది.
The post జీన్స్ సాయంతో అతను ప్రాణాలను ఎలా కాపాడుకున్నాడంటే…వైరల్ వీడియో appeared first on DIVYAMEDIA.
from DIVYAMEDIA https://ift.tt/2TNccnw
No comments:
Post a Comment