లేచిన వేళా విశేషం.. పొద్దున్నే ఎవరి మొహం చూశానో ఏమో.. వచ్చిన శాలరీ అంతా పర్సులో పెట్టుకున్నాను. డెబిట్ క్రెడిట్ కార్డులన్నీ కూడా అందులోనే ఉన్నాయి. శుభ్రంగా పర్సు ఎవడో కొట్టేశాడు. ఈనెలంతా ఎలా గడుస్తుందో ఏమో అని దిగులు పడ్డాడు లండన్‌కు చెందిన ఓ వ్యక్తి. పర్సు దొంగిలించిన వ్యక్తులు మార్క్ గుడ్‌రామ్, జానరస్ వాట్సన్‌లు మాత్రం డబ్బులన్నీ ఖర్చుపెట్టేసి అందులో ఉన్న డెబిట్ కార్డుని కూడా వాడేస్తున్నారు. ఓ రోజు వారిద్దరూ కొట్టేసిన డెబిట్ కార్డ్‌ని ఉపయోగించి పది పౌండ్లు పెట్టి లోటో కంపెనీ వారి లాటరీ స్క్రాచ్ కార్డ్ కొన్నారు. మన లక్కు ఎలా ఉందో చూసుకుందామని స్క్రాచ్ చేసి చూసుకున్నారు. వచ్చిన నెంబర్ చూసి కళ్లు తిరిగినంత పనైంది వారిద్దరికీ.
ఒకటీ రెండు కాదు ఏకంగా 4 మిలియన్ పౌండ్ల లాటరీ తగిలింది. అంటే దాదాపు రూ.36 కోట్లు. ఆహా.. నక్క తోక తొక్కాము.. ఇక ఈ చిల్లర దొంగతనాలకు చెక్ పెట్టేసి దర్జాగా బతుకుదామనుకుని లాటరీ నిర్వాహకుల దగ్గరకు పరిగెట్టారు ప్రైజ్ మనీ కోసం. క్యాష్ మొత్తాన్ని బ్యాంక్‌లో వేస్తామని అకౌంట్ నెంబర్ ఇమ్మని అడిగారు లాటరీ నిర్వాహకులు. దీంతో కాస్త తడబడిన దొంగలు అకౌంట్ నెంబర్ లేదన్నారు. అసలు స్క్రాచ్ వారిదేనా కాదా అని అనుమానం వచ్చింది లాటరీ యాజమాన్యానికి. స్క్రాచ్ కార్డు బిల్లుని అడిగేసరికి దొంగలు ఏమాత్రం తడబడకుండా రసీదుని తీసి ఇచ్చారు.
స్క్రాచ్ చేసింది డెబిట్ కార్డు ద్వారా అని గుర్తించిన యాజమాన్యం కార్డు వారిది కాదని తెలుసుకున్నారు. పోలీసులకు సమాచారం అందించి కూపీ లాగమన్నారు. రంగంలోకి దిగిన పోలీసులు సదరు డెబిట్ కార్డు వ్యక్తిని పట్టుకున్నారు. రూల్ ప్రకారం ఎవరి పేరిట డెబిట్ కార్డు ఉందో వారికే రూ.36 కోట్ల ప్రైజ్ మనీ చెందుతుంది అని తేల్చేశారు. కష్టపడకుండానే కోట్లొస్తున్నాయి కదా అని ఆశపడితే కటకటాలపాలవ్వాల్సి వచ్చిందని లబోదిబోమంటున్నారు పర్సు కొట్టేసిన దొంగలు.
The post లక్కంటే అదీ.. పర్సు పోయినా రూ.36 కోట్లు..ఎలానో తెలుసా ….! appeared first on DIVYAMEDIA.
from DIVYAMEDIA http://bit.ly/2UIOM3m
No comments:
Post a Comment