ఆ బంగాళాదుంపలను సాగు చేయొద్దు.. రైతులపై పెప్సీ రూ. 1.5 కోట్ల దావా

అహ్మదాబాద్‌ కోర్టుకు గుజారాత్ చెందిన తొమ్మిది మంది రైతులపై శీతలపానీయాల సంస్థ పెప్సికో ఫిర్యాదు చేసింది. గుజరాత్‌కు చెందిన 9మంది రైతులు ఎఫ్‌సీ5 బంగాళాదుంప రకాన్నిసాగు చేసిన నేపథ్యంలో వారిపై వేర్వేరు కేసులు పెట్టింది. ఆ బంగాళాదుంపల సాగును విరమించుకుంటేనే రైతులపై పెట్టిన కేసులు వెనక్కి తీసుకుంటామని పెప్సికో ఇండియా హోల్డింగ్‌ ప్రైవేట్‌ లిమిటెడ్‌ స్పష్టం చేసింది. ఎఫ్‌సీ5 రకం బంగాళాదుంపలపై భారత్‌లో 2016 నుంచి 2031 తమకు పేటెంట్ హక్కులు ఉన్నాయని తెలిపింది. అందువలన వాటిని సాగు చేసే హక్కు ఎవరికీ లేదాని వెల్లడించి్ంది. అలాగే పీపీవీ, ఎఫ్‌ఆర్‌ చట్టం 2001 ప్రకారం ఇది తమకు చెందుతుందని పేర్కొంది. ఈ నిబంధనలను ఉల్లఘించి 9మంది రైతులు వాటిని సాగు చేయడాన్ని తప్పుబట్టింది. అలాగే తమకు ఒక్కొ రైతు రూ.1.5కోట్ల నష్టపరిహారాన్ని చెల్లించాలని కోర్టును ఆశ్రయించింది.

ఈ విషయంపై సదరు రైతులు స్పందించారు. ఈ బంగాళాదుంపల సాగు గురించి బిపిన్‌ పటేల్‌ అనే రైతు మాట్లాడుతూ..”పెప్సికో చెబుతున్నట్లు ఎఫ్‌సీ5 బంగాళాదుంపల విత్తనాలను మేము వాడలేదు. అయితే గతంలో ఆ సంస్థ విత్తనాలను కొనడానికి బంగాళాదుంపలు విక్రయించడానికి తమతో ఒప్పందం చేసుకోవాలని కోరింది. వాళ్ల ప్రతిపాదనల్లో మాకు కనీస మద్దతు ధర కూడా లభించకపోవడంతో వారి నిర్ణయాన్ని తిరస్కరించాం” అని తెలిపారు

ఇప్పడు ఈ విషయంపై రాజకీయ దుమారం మారింది. పెప్సీకో రైతులపై కేసులు నమోదు చేయడం పట్ల కాంగ్రెస్‌ నేత అహ్మద్‌ పటేల్‌ తీవ్రంగా స్పందించారు.రైతులు ఏం పండించాలో కూడా ఓ కార్పొరేట్‌ సంస్థ నిర్ణయించడం దారుణమన్నారు. అదొక సిగ్గుమాలిన చర్యగా అభివర్ణించారు. 2017-18లో కూడా ఇలాగే ఉత్తర గుజరాత్‌లోని ఐదుగురు రైతులపై పెప్సీకో దావా వేసింది.

The post ఆ బంగాళాదుంపలను సాగు చేయొద్దు.. రైతులపై పెప్సీ రూ. 1.5 కోట్ల దావా appeared first on DIVYAMEDIA.

from DIVYAMEDIA http://bit.ly/2UHQHFf