హలో… మీ నియోజకవర్గం ఏది? మీరు ఏ పార్టీకి ఓటేశారు. మీతోపాటు మీ ఇంటిలో ఎంతమంది ఉంటారు? వారిలో ఎవరెవరు ఏఏ పార్టీలకు వేసి ఉంటారు? అసెంబ్లీకి, పార్లమెంటుకు క్రాస్‌ ఓటింగ్‌ ఏమైనా వేసి ఉంటారా?ఇదీ… పోలింగ్ తర్వాత ఓటర్లకు సర్వేల కోసం వస్తున్న ఫోన్‌ల తీరు. విరామం లేకుండా వినిపిస్తున్న ప్రశ్న ల వర్షంతో ఓటరు చెవులు వేడెక్కుతున్నాయి. రాష్ట్రం లో సార్వత్రిక ఎన్నికలు పూర్తయిన తర్వాత త్రిముఖ పోటీ నేపధ్యంలో ఎవరి ఓట్లు ఎవరికి పడతా యో, మూడో పార్టీ ఎవరి ఓట్లు ఎంతవరకు చీల్చి ఉంటుంది? పసుపు కుంకుమ, అన్న దాత సుఖీభవ వంటి పఽథకాలు ఎంతవరకు పనిచేశాయనే అంశాల పై వీడని సందిగ్దత నెలకొనటంతో పార్టీలకూ ఓటరు నాడి అంతుచి క్కని విధంగా ఉంది. దీంతో సర్వేలు గందరగోళంగా వస్తున్నాయి. సాంఘి క మాద్యమాలు చూస్తేచాలు ఎవరికివారే సర్వే అంటూ కాకి లెక్కలు వేసేసి ప్రభుత్వాన్ని ఎవరు ఏర్పాటు చేస్తారనే అంశాలను నిర్ణయించేస్తున్నారు.
అయితే ప్రజలు వీటిలో ఏ సర్వేను నమ్మే పరిస్థితి లేకపోవటం, బెట్టింగ్‌ రాయుళ్లకు ఓటరు నాడి అర్ధంకాక ఎటు వైపు పందెం కాస్తే మేలు జరుగుతుందనే అంశాలను బేరీజు వేసుకోటానికి కూడా ఫోన్‌ సర్వేలపై ఆధారపడుతున్నారు. దీంతో రోజులో ఒక్కో ఓటరుకు నాలుగు నుంచి పది ఫోన్‌ల వరకు వస్తున్నాయి. ఓటరు ఉన్న పరిస్థితి, మాట్లాడగలడో లేదో కూడా చూడకుండానే ఫోన్‌ లిఫ్ట్‌చేసిన వెంటనే ప్రశ్నల దాడికి దిగిపోతున్న పరిస్థితి ఉంది. దీంతో చాలామంది ఫోన్‌ వస్తుందంటే విసుగు చెందే పరిస్థితి ఏర్పడింది. ట్రూకాలర్‌లో పేరు పడినా, సంస్థ పేరు పడినా ఆ కాల్స్‌ను రిజెక్ట్‌ చేస్తున్న పరిస్థితులూ ఉన్నాయి. అయితే వీటిలో సాధారణ ఫోన్‌ నంబర్‌ల తరహాలో ఉండటంతో వాటిని తప్పనిసరై మాట్లాడక త్పటంలేదని, సమాధానం ఇచ్చేందుకు ఆసక్తి లేదన్నా వదలటంలేదని, ఫోన్‌ కట్‌ చెయ్యాల్సి వస్తోందని రమణబాబు అనే ఫోన్‌ వినియోగదారుడు చెబుతున్నారు. ఇదిట్లా ఉంటే వీటి ఆధారంగా బెట్టింగ్‌లకు తెరలేపుతున్నవారూ ఉన్నారు.
హలో అంటే చాలు… ప్రశ్నలే ప్రశ్నలు
ఇప్పటివరకు కొన్ని సర్వేలు తమ విధానాలకు అనుగుణంగా చేయటం, వాటిలో చాలావరకు గతంలో వచ్చిన ఫలితాలకు పోలిక ఉండకపోవటంతో వాటికి స్వస్థి చెబుతున్నారు. దీనికితోడు ఫలితాలు వెలువడటానికి ఇంకా నెలకుపైగా సమయం ఉండటంతో కొత్తగా ఫోన్‌ సర్వేలకు తెరలేపుతున్నారు. ప్రధానం గా ఓటరు ఎవరికి ఓటు వేశారనేదే కీలక ప్రశ్న అయితే, ఒక ఫోన్‌ కాల్‌తో సాధ్యమైనంత వరకు దక్కినంత సమాచారం రాబట్టేందుకు ప్రయత్నిస్తుండటంతో ఓటర్లకు ఇబ్బందులు తప్పటంలేదు. ఒకరికి రోజుకు కనీసం నాలుగు ఫోన్‌లు వస్తుండటంతో ఇ బ్బంది పడాల్సి వస్తోందని చెబుతున్నారు. ఓపికగా ఎవరైనా సమాధానం చెబుతుంటే ఓటు వేసిన పార్టీ కి ఎందుకు వేశారనే సమాచారం కూడా రాబట్టటం, ఆ గ్రామంలోకానీ, వార్డులోకానీ ఎక్కువగా ఏ పార్టీకి వేశారనే విషయాలు తెలుసుకునేందుకు ప్రయత్నాలు చేస్తున్నారని బాధితులు చెబుతున్నారు.
బెట్టింగ్‌లకూ సర్వేలను ఆధారం చేసుకుంటూ…
సార్వత్రిక ఎన్నికల ఫలితాలు మే నెల 23న వెల్లడి కానుండటంతో ఈ లోపు పందాలకు భారీ ఒప్పందాలే జరిగిపోతున్నాయి. సాధారణంగా స్థానికంగా పందాలు కాసేవారు ఆ నియోజకవర్గ అభ్యర్థి పనితీరు, ఓటర్ల స్పందన, డబ్బు పంపిణీలు వంటివాని ఆధారం చేసుకుని ఏ పార్టీ గెలిచే అవకాశం ఉంది? ఆ అభ్యర్థికి వచ్చే మెజారిటీ నుంచి తర్వాత రెండు, మూడు స్థానాలపైనా బెట్టింగులకు దిగుతున్నారు. అయితే రాష్ట్రంలో ప్రభుత్వాన్ని ఏ పార్టీ ఏర్పాటు చేస్తుంది, ఏఏ పార్టీలకు ఎన్ని సీట్లు వస్తాయనే అంశాల ఆధారంగా పందాలు కాసేవారు మాత్రం ఫోన్‌ సర్వే సంస్థల నివేదికలపై ఆధారపడుతున్నారు.
వారికి వచ్చిన సమాచారం ఆధారంగా వారు వెలువడించే ఫలితాలను బేరీజు వేసుకుని, పది స్థానాలు అటూఇటుగా అంచనా వేసుకుని పందాలకు దిగుతున్న పరిస్థితి ఉంది. తెనాలి, వేమూరు, రేపల్లె, పొన్నూరు, బాపట్ల అసెంబ్లీ స్థానాలపై ఇప్పటికే భారీ బెట్టింగులు జరిగిపోతే, గుంటూరు, బాపట్ల, నరసరావుపేట పార్లమెంటు స్థానాలపైనా సర్వేల లెక్కలు చూసుకుని పందాలకు దిగుతున్నారు. కొందరైతే కేవలం సర్వేలనే ఆధారం చేసుకోకుండా, తమకు తెలిసిన వారిని వాకబుచేసి రెండు మూడు రూపాల్లో లెక్కలు తెలుసుకుని అంచనా వేసుకుంటున్నారు. దీంతో ఇక్కడ సర్వేలు కీలకం అవుతున్నాయి. ఒక్క డెల్టాలోనే రూ. వందకోట్లకుపైగా పందేలు జరిగితే, ఇంకా మరిన్ని పందాలు సర్వేల కోసం వేచి చూస్తున్నాయని బెట్టింగ్‌ రాయుళ్లు చెబుతున్నారు. దీంతో జిల్లాలో మోగిన ఫోన్‌లు మోగినట్టే ఉంటున్నాయి. అభ్యర్థులు మాత్రం తమ లెక్కలు తాము వేసుకుని నింపాదిగా ఉన్నారు. వీరి భవితవ్యం తేలటం ఏమోకాని ఈలోపు సర్వేల బిజీ అనేక రూపాల్లో ప్రజలపై పడుతోంది.
The post పోలింగ్ ముగిశాక.. ఇలాంటి ఫోన్‌కాల్ మీకు కూడా వచ్చిందా..? appeared first on DIVYAMEDIA.
from DIVYAMEDIA http://bit.ly/2VKP0IA
No comments:
Post a Comment