పెళ్లి తంతు పూర్తయ్యాక కొత్త కోడలిని అత్తవారింటికి తీసుకెళుతుండగా అనుకోని ఘటన చోటుచేసుకుంది. బైక్‌పై వచ్చిన ఇద్దరు యువకులు ఆ కొత్త పెళ్లి కూతురిని తమ వెంట తీసుకుని వెళ్లిపోయారు. ఈ ఘటన ఛత్తీస్‌గఢ్‌లోని ఖూంటీ జిల్లాలోని ఖుదీ గ్రామంలో చోటుచేసుకుంది. గ్రామంలో బంఘన్ ఆరవ్‌కు వివాహమైన తరువాత కొత్త పెళ్లి కూతురు తీసుకుని వెళుతున్నారు. ఈ నేపధ్యంలో ఈ ఘటన చోటుచేసుకుంది. దీంతో ఆ పెళ్లికొడుకు ఈ ఉదంతంపై పోలీసులకు ఫిర్యాదు చేశాడు. కేసు నమోదు చేసుకున్న పోలీసులు ఆ కొత్త పెళ్లి కూతురుతో పాటు, ఆమెను తీసుకువెళ్లిన యువకుల కోసం గాలింపు చేపట్టారు. అయితే ఇది జరిగిన కొద్ది గంటల తరువాత ఆ కొత్త పెళ్లి కూతురు తన ప్రియునితో సహా పోలీస్‌స్టేషన్‌కు చేరుకుంది. దీంతో పోలీసులు పెళ్లివారికి చెందిన ఇరువర్గాలను పోలీస్ స్టేషన్‌కు పిలిపించారు.
వారు పెళ్లి కుమార్తెకు నచ్చజెప్పే ప్రయత్నం చేశారు. అయితే ఆమె తాను తన ప్రియుడు అసీమ్ మీంజ్‌తో ఉండాలని నిర్ణయించుకున్నట్లు తెలిపింది. తనను ఎవరూ అపహరించుకుపోలేదని, తన ఇష్టాపూర్వకంగానే ప్రియునితో వెళ్లినట్లు ఆమె తెలిపింది. తన ఇంట్లోని వారు తమ పెళ్లికి ఒప్పుకోనందునే ఇలా చేయాల్సివచ్చిందని ఆమె పోలీసులకు తెలియజేసింది.
The post పెళ్లయి అత్తవారింటికి వెళుతుండగా ప్రియుడు కనిపించడంతో…తర్వాత ఏం జరిగిందో తెలుసా …? appeared first on DIVYAMEDIA.
from DIVYAMEDIA http://bit.ly/2LJ6BzW
No comments:
Post a Comment