ఎవరైనా అరుస్తుంటే.. ఏంటా అరుపులు గాడిదలా.. తింటుంటే.. పందిలా ఎలా తింటున్నాడో చూడు.. చెప్పింది వినకపోతే దున్నపోతు మీద వర్షం పడ్డట్టు ఉలుకూ పలుకూ లేదు.. అంటూ ఇలా పలు సందర్భాల్లో జంతువులతో మనిషిని పోల్చడం జరుగుతుంటుంది. మరి ఇక్కడ గుర్రంలా.. అచ్చంగా గుర్రంలానే పరిగెడుతున్న మనిషిని చూస్తే.. కాసేపు మాట రాదు. వంగి ఏదైనా పని చేస్తేనే నడుం పట్టేసి అమ్మో, అయ్యో అంటాము. అలాంటిది ఏకంగా ఎన్ని రౌండ్లైనా పరిగెట్టేస్తా.. నాకెంతో ఈజీ అంటూ గ్రౌండ్ అంతా గుర్రంలా పరిగెట్టెస్తోంది నార్వేకు చెందిన అయ్లా కిర్‌స్టీన్. మే 14న ట్విట్టర్‌లో దీనికి సంబంధించిన వీడియో పెట్టింది.
ఆమె గుర్రంలా పరిగెట్టడం చూసిన నెటిజన్లు నోరెళ్లబెడుతున్నారు. ఇంకేముంది క్షణాల్లో ఆ వీడియో వైరల్ అయ్యింది. గుర్రంలా పరిగెట్టడం ఒక్కటే కాదండోయ్ ఎత్తైన హర్డిల్స్‌ని కూడా ఎంచక్కా ఎక్కి దూకేస్తోంది. చూసే వారికి ఒక్క క్షణం.. పాపం ఈ అమ్మాయి ఇదేదో జబ్బుతో బాధపడుతోంది కాబోలు అని అనిపించకమానదు. కానీ కానేకాదు. కొన్నేళ్ల క్రిందట మొదలైన ‘జంపింగ్ లైక్ హార్ట్స్’ ని ప్రాక్టీస్ చేస్తే మీరు కూడా ఇలానే గుర్రంలా పరిగెట్టేయగలరు. అదండీ సంగతి.. శరీరానికి మంచి ఫిట్‌నెస్ కావాలంటే గుర్రంలా పరిగెట్టండని సలహాలు మాత్రం ఇవ్వకండి.. ఎందుకొచ్చిన గొడవ. నడుం పట్టేసిందంటే నడుము ఇరగ్గొట్టేస్తారు జాగ్రత్త.
The post ఈ మహిళా గుర్రంలా….గుర్రంలో పరుగెడుతుంది, ఎలానో చుడండి. వైరల్ వీడియో appeared first on DIVYAMEDIA.
from DIVYAMEDIA http://bit.ly/2HrLu18
No comments:
Post a Comment